Компаний танилцуулга

Компани танилцуулга

“Нэкст Женерэйшн Хеалт“ ХХКомпани нь 2004 оноос эхлэн Япон улсад үйлдвэрлэсэн элэгний эм тариаг Монголын зах зээлд тасралтгүй нийлүүлж ирсэн бөгөөд 2016 оноос үйл ажиллагаагаа өргөжүүлэн Монгол хүний эрүүл мэндийн төлөө хамгийн сүүлийн үеийн дэвшилтэт технологиор үйлдвэрлэгдсэн, олон улсын чанарын шаардлага хангаж баталгаажсан, аюулгүй эмийн болон биологийн идэвхит бүтээгдэхүүнийг Япон улсаас импортлон хангах зорилготой ажиллаж байна.

Алсын хараа

Манай компанийн үйл ажиллагааны үндсэн цөм нь үйлчлүүлэгчийн сэтгэл ханамж байна. Хүмүүсийн эрүүл амьдралын төлөө өндөр технологийн чанартай эм эмийн бүтээгдэхүүн, эрүүл мэндийн тусламж үйлчилгээг үзүүлэгч, эмийн болон БИБ–ийн экологийн цэвэр түүхий эдийг боловсруулан экспортлох чиглэлд тэргүүлэгч компани болох зорилготой.

Захирлын мэндчилгээ

“Нэкст Женерэйшн Хеалт” ХХК маань дэлхийн стандартын шаардлага хангасан орчин үеийн өндөр технологийн эм, эрүүл мэндийн бүтээгдэхүүн, эмнэлгийн тоног төхөөрөмжийг Монгол Улсынхаа зах зээлд нийлүүлж эхэлснээс хойш өдгөө 16 жил өнгөрчээ. Энэ хугацаанд манай хамт олон монголчуудынхаа эрүүл мэндэд шаардлагатай, хэрэгцээтэй бүтээгдэхүүн, үйлчилгээг хамгийн сайн нөхцөлөөр нийлүүлэхийн төлөө цаг ямагт хичээн ажиллаж ирсэн билээ.
Бид эх орныхоо эрүүл мэндийн салбарын хөгжилд зохих хувь нэмрээ оруулахын төлөө мэдлэг оюун, мятрашгүй зүтгэлээр шаргуу хөдөлмөрлөснийхөө үр дүнд хэдийнэ өөрийн гэсэн үйлчлүүлэгчидтэй болсон байна.
Энэхүү амжилтаа цаашид ч ахиулан улам чанартай, тогтвортой үргэлжлүүлэхийн сацуу хөрөнгө оруулагчид, байнгын харилцагч байгууллага болон үйлчлүүлэгч та бүхнийхээ итгэлийг дааж улам эрч хүчтэйгээр ажиллах болно гэдгээ дуулгахад таатай байна.
Хүн төрөлхтөн бид Мөнх тэнгэрийн хүчин дор эрүүл энх, амар амгалан амьдрах
болтугай.
Хүндэтгэсэн, гүйцэтгэх захирал Б.Баасансүрэн